Microsoft мобил бозорга янги йиғиладиган смартфон билан қайтмоқда. Унинг икки экранининг ҳар бир дисплейида бир вақтнинг ўзида иккита турли хил иловаларни ишга тушириш ёки иккинчи экранни клавиатура ёки ўйин бошқарувчиси сифатида ишлатишга имкон берадиган ландшафт режимига ўтиш мумкин.
Windows 10Х янги операцион тизимининг тақдимотида Microsoft корпорацияси йиғиладиган Surface Duo смартфонини тақдим этди. Янги смартфон Андроидда ишлайди ва келгуси йилда сотувга чиқади. Бу хақда Togri.uz хабар бермоқда
Иккита экранли смартфон
Қурилманинг дизайни иккита экранли гибрид Surface Neo ноутбукига ўхшайди, аммо чўнтакка сиғадиган ҳажмда. Surface Duo иккита 5,6 дюймли дисплей билан жиҳозланган, улар 360 даражагача очилади. Бу эса уни 8,3 дюймли миниатюрага айлантиришга имкон беради. Ушбу смартфон Samsung Galaxy Fold ва Huawei Mate X йиғиладиган смартфонларига ўзига хос жавоб бўлади.
Иккинчи экран клавиатура сифатида ишлатилиши мумкин
Ҳар бир дисплейда бир вақтнинг ўзида иккита турли хил иловаларни ишга тушириш ёки иккинчи экранни клавиатура ёки ўйин бошқарувчиси сифатида ишлатишга имкон берадиган ландшафт режимига ўтиш мумкин. Surface Duo интерфейси ўзгартирилган, модификацияланган Aндроид 10да ишлайди.
Ҳали камераси йўқ
Йиғиладиган смартфон Snapdragon 855 процессорида ишлайди. Шунингдек, тақдимотда смартфоннинг прототипи намойиш этилди, шунинг учун унинг дизайни ҳали ўзгариши мумкин. Mасалан, смартфонда камера йўқ, у қурилма 2020 йилда сотувга чиқарилгунга қадар ўрнатилиши мумкин.
Янгиликларни телеграмда ўқинг