Хитой 30 йил ичида энг ёмон иқтисодий кўрсаткичларни кўрсатди

Reuters хабарига кўра, саноат ишлаб чиқаришининг пасайиши таҳлилчилар кутганидан юқори бўлди

Жорий йилнинг дастлабки икки ойида Хитойда саноат ишлаб чиқаришининг пасайиши сўнгги 30 йил ичида энг жиддий бўлди, дея хабар беради Reuters ХХР расмийлари эълон қилган статистикага асосланиб.

Статистикага кўра, январ-феврал ойларида саноат ишлаб чиқариши ўтган йилнинг шу даврига нисбатан 13,5% га камайди. Декабр ойида, мамлакатда коронавирус билан оғриган беморларнинг кўпи ҳали аниқланмаган пайтда, бу кўрсаткич 6,9 фоизга ўсди.

Reuters таъкидлаганидек, статистик кўрсаткичларнинг пасайиши кутилганидан кўпроқ бўлди. Энг катта муаммолар, хусусан савдо (20,5% пасайиш), асосий капиталга инвестициялар (24,5%) соҳаларида аниқланди.

Январ-феврал ойларида Хитойдан экспорт 17,2 фоизга камайди.

Хитой расмийларининг мамлакатда коронавирус чўққисини забт этилганлиги тўғрисидаги баёнотларига қарамай, Reuters агентлиги таҳлилчиларининг таъкидлашича, ХХР иқтисодиёти нормал ҳолатга қайтиши учун яна бир неча ой керак бўлади.

Бундан ташқари, дунё бўйлаб инфекциянинг тарқалиши глобал товарларнинг пасайишига олиб келиши мумкин, бу эса Хитой товарларига бўлган талабга салбий таъсир қилади.

Бироқ, Хитойнинг ўзида коронавируснинг таъсири қисқа муддатли бўлади, расмийлар томонидан қатъий чоралар мамлакатдаги вазиятни тезда тикланишига олиб келади.