Amazon компанияси харидлар учун тўлашга ва дўконларга, офисларга ёки стадионларга оддийгина кафтингизни кўрсатиб киришга имкон берадиган қурилмани намойиш этди.
Компаниянинг таъкидлашича, кафтни таниб олиш идентификациянинг хавфсиз усули ҳисобланади, чунки кафт фотосурати орқали аниқ бир одамни таниб олиш имкони йўқ.
Amazon ўз блогида кафтни ўқиш технологияси билан Amazon One-ни намойиш қилди. Компания ушбу янги усулни контактсиз тўлов ва шахсни идентификациялашнинг тез ва қулай деб усули деб атамоқда.
Кафтни сканерлаш учун уни қурилмага олиб келиб, 1-2 сония ушлаб туриши керак. Одамлар иккита бир хил кафтга эга эмаслар, шунинг учун компания технологиялари ҳар бирининг индивидуал хусусиятларини ўқийди ва улар орқали одамни аниқлайди. Ушбу усул назорат пунктларида, масалан, чипталари ёки паспорти бўлган одамларга кириш ҳуқуқи берилган стадионларда ёки офисларда ишлатилиши мумкин, деб қайд этади компания
29 сентябрдан бошлаб қурилмалар Сиэтлдаги (компаниянинг бош қароргоҳи жойлашган) иккита Amazon Go дўконларининг кириш қисмида пайдо бўлади. Рўйхатдан ўтиш бир дақиқадан кам давом этади: қурилмага банк картасини киритишингиз, кафтингизни кўтаришингиз керак ва компьютер сизнинг кафтингиз тасвирини маълум бир ҳисобга боғлайди. Amazon ҳисоби талаб қилинмайди. Иккала кафтни ёки фақат биттасини қўшишингиз мумкин. Шундан сўнг, дўконга кириш учун Amazon иловаси ёки ходимнинг ёрдами керак эмас – сиз кафтингизни сканер қилиб юришингиз мумкин.
Кафт тасвирлари қурилмада сақланмайди: Амазон улар компаниянинг булут хизматларида хавфсиз сақланишини ваъда қилмоқда. Сизнинг кафтингиз ҳақидаги маълумотлар сўров бўйича ўчирилиши мумкин. Амазон технологияни бошқа компанияларга ҳам ўтказишни режалаштирмоқда.
Кафт таниши бошқа биометрик альтернативаларга қараганда хавфсизроқ ҳисобланади, чунки одамни кафти тасвиридан аниқлаш мумкин эмас, деб ёзади компания.
Энди нақд пул ёки кредит карта орқали тўлашнинг одатий усулларидан ташқари, бир нечта муқобил усуллар мавжуд: мобил қурилмалар (Apple Pay, Google Pay, Samsung Pay) билан тўлов, QR кодини ўқиш, юзни сканерлаш ва бошқалар.
Amazon Go дўконларида кассалар йўқ: мижоз сотиб олган товарлар учун тўлов автоматик равишда ҳаракатлантирувчи сенсорлар, камералар ва ақлли тарозилар ёрдамида амалга оширилади.
Янгиликларни телеграмда ўқинг