Uzcard хабар беришича, 2020 йил 1 ноябрдан Ягона Умумреспублика Процессинг Маркази омонатга онлайн маблағ қўйиш учун банклардан 0,25 фоизни ундирмайди.
2020 йилнинг 1 майдан Uzcard онлайн омонатлар учун банклардан 0,25% коммиссия талаб қилишини эълон қилган эди. Бу хабар мижозлар томонидан норозилик билан қабул қилиниб, омонатга онлайн маблағ қўйиш ҳажмини пасайиб кетишига олиб келди.
Эндиликда, масофавий банк хизматларига эътиборни жалб этиш, шунингдек, аҳолининг бўш пул маблағларини рағбатлантириш мақсадида Uzcard омонатлар учун 0% ли комиссиясини эълон қилади. Бундан ташқари, онлайн омонатлар нақд пул билан камроқ алоқада бўлишни таъминлайди, бу эса ҳозирги пандемия даврида муҳим аҳамиятга эга.
Аниқ бўлишича, Uzcard ва Humo компаниялaри келгусида ҳамкорликда ишлашни режалаштиришaяпти. Марказий банк раҳбари Мамаризо Нурмуратовнинг таъкидлашича, ҳозирда икки компания амалдаги тўлов воситаларининг ўзаро интеграциясини амалга ошириляпти. Яқинда Uzcard ва Humo тўлов карталари фойдаланувчилари умумий терминаллар, банкоматлар ва хизматлардан фойдаланишлари мумкин бўлади.
Янгиликларни телеграмда ўқинг