Ўзбекистонда «ЮэСэМ Телеком» ва МегаФон ҳамкорлигида Digital Holding компанияси иш бошлади. Компания таркибидан Ucell ва USM нинг Ўзбекистондаги расмий активлари – CRPT Turon ва ICS Holding Uzbekistan ўрин олди.
Маълум бўлишича, Россия «Digital Holding» компаниясини 100 миллион доллар миқдорида сармоялаштирмоқда. Шунингдек, «Digital Holding»га Ucell телеком-операторининг барча улуши топширилди.
Қўшма корхона таркибига кириш учун «ЮэСэМ Телеком» ва МегаФон «Диджитал Инвест» компаниясига асос солиб, унда икки компаниянинг улуши 50 фоиздан тақсимланди. Янги ҚКда «Диджитал Инвест» улуши 51 фоиз, ДАБА улуши 49 фоизга тенг.
«ЮэСэМ Телеком»
МегаФон ва «ИКС Холдинг» АТ гуруҳининг назорати USM холдингининг рақамли бўлинмаси «ЮэСэМ Телеком» орқали олиб борилади. «ЮэСэМ Телеком»нинг 80% акцияси USM га, 10% Иван Стрешинскийга ва яна 10% Антон Черепенниковга тегишли.
МегаФон
Россиянинг телекоммуникация бозоридаги етакчи операторларидан бири МегаФон нафақат Россия бозорида, балки Абхазия, Жанубий Осетия, ва Тожикистонда ҳам фаолият юритади.
Ucell
Бугунги қадар ООО «COSCOM» компаниясининг Ucell оператори 2018 йилнинг 5 – декабридан тўлиқ давлат тасарруфида эди. 2019-2020 йилларда GSM, UMTS, LTE ва 5G стандартларида Ucell 8 миллион абонентга эга бўлди. 2020 йил февраль ҳолатига аҳоли пунктларидаги қамрови 97,6 фоиз (GSM); 72,9 фоиз (UMTS); 60,8 фоиз (LTE)ни ташкил этмоқда. Ucell Ўзбекистонда 5G стандарти бўйича илк оператори ҳисобланади.
Humans тарифлари билан танишинг
Beeline тарифлари билан танишинг
Янгиликларни телеграмда ўқинг