ДТМ хабар беришича 3 март кунидан бошлаб Миллий тест тизими доирасида кимё ва биология фанлари бўйича рўйхатга олиш бошланди.
Эслатиб ўтамиз, онлайн рўйхатдан my.dtm.uz сайти орқали ўтиш мумкин. Бунинг учун «Milliy sertifikatlar» бўлимидан тегишли фанни танлаш зарур бўлади.
Тест синови натижаси бўйича энг юқори баллнинг камида 60 фоизини тўплаган шахсларга 3 йил муддатга сертификат берилади. Мазкур сертификатга эга бўлган абитуриентларга сертификатдаги ўзлаштириш фоизига мос равишда ОТМга кириш тест синовларида ушбу фандан белгиланган максимал баллга нисбатан табақалаштирилган балл берилади.
Шунингдек, апрель ойининг биринчи ўн кунлигида она тили ва адабиёт, ҳамда математика фанларини билиш даражасини баҳолаш миллий тест синовлари ўтказилади.
Янгиликларни телеграмда ўқинг