Президент фармонига биноан «Эл-юрт умиди» жамғармасининг чет элда мутахассисларни тайёрлаш ва ватандошлар билан мулоқот қилиш бўйича қўшимча вазифалар белгиланди.
Хусусан, иқтидорли давлат хизматчиларини излаш, танлаш, рағбатлантириш, шунингдек, янги авлод кадрларини давлат хизматига жалб қилиш ва шакллантиришга кўмаклашиш.
Давлат хизматини ривожлантириш агентлиги мутахассисларни қидириш, танлаш, ўқитишни ташкил қилишда қуйидагиларни таклиф қилмоқда:
• Чет элда бакалавр, магистр ва докторантура учун ўқиш дастурлари Жамғарманинг асосий таълим дастурлари ҳисобланади;
• Жамғарманинг таълим дастурларига номзодлар ишлаш ва ўқиш жойидан қатъи назар очиқ шаклда доимий равишда танлаб олинади;
• Жамғарма вазирликлар, идоралар ва ташкилотларнинг тўғридан-тўғри сўровлари асосида юқори талабли мутахассисликлар бўйича амалиёт дастурларини ташкил этади.
2021 йилда ривожланган хорижий давлатларда ёшларни бакалавриат йўналишлари бўйича очиқ стипендия танловлари асосида ўқитиш учун 100 ўрин, аспирантура ва докторантурада ўқитиш учун ўтган йилларга нисбатан ўртача 5 баравар кўп жой ажратилади.
Жамғарманинг таълим дастурлари бўйича ўқишни тугатган олимлар вазирликлар, идоралар ва бошқа давлат ташкилотларида шартномада белгиланган тартибда ва муддадда доимий ишлашлари шарт. Акс ҳолда Фонд томонидан тақдим этилган барча молиявий харажатларни қоплашга тўғри келади.
Metsenat лойиҳасида стипендия ва грантлар ютиб олиш имконидан фойдаланинг
Янгиликларни телеграмда ўқинг