Bo'lim: Автокредит

Етарли маблағга эга бўлмаган автотранспорт воситасини харид қилмоқчи бўлган истеъмолчи олдида одатда икки йўл туради: тижорат банкларидан қарзга маблағ олиш ёки кейинчалик сотиб олиш шарти билан автотранспорт воситасини ижарага олиш.

Кредит ва автомобилни ижарага олиш шартномалари қандай шартларда тузилади?

Агар кредитлар битта шартнома асосида расмий диллер орқали бирламчи бозордан сотиб олиш учун шарти билан тақдим этилса, кейинчалик сотиб олиш шарти билан автотранспорт воситасини ижарага олиш икки босқичда амалга оширилади: дастлаб бўнак тўлови амалга оширилганлиги тўғрисида шартнома тузилади, сўнгра кейинчалик сотиб олиш шарти билан ижара шартномаси имзоланади.

Шуни ҳам ҳисобга олиш лозимки, агар ижарага олинаётган автомашина маркаси топилмаса, истеъмолчи хизмат кўрсатаётган корхона томонидан тақдим этиладиган учта вариантдан бирини танлашга мажбур. Агар истеъмолчига таклиф қилинган вариантлар ёқмаса, у пулни қайтариб олишга, фақатгина 40-60 иш куни ўтганидан сўнг ҳақли ҳисобланади. Умуман олганда, корхонанинг сиз хоҳлаган автомашинани қидиришга яна 120 кун, жами 180 кунгача муддат керак бўлади. Яна бир муҳим шарт: дастлаб шартномада таклиф қилинган транспорт воситаси тақдим этилмаса, ижарага берувчи ҳеч қандай мажбуриятларни ўз зиммасига олмайди.

Биринчи ҳолатда банк билан шартнома тузган истеъмолчи автомашина эгасига айланади, иккинчи ҳолатда истеъмолчи ижарачи ҳисобланади ва автомашинага эгалик ҳуқуқи унга тегишли бўлмайди, устига-устак, корхонадан ҳар ойда транспорт воситасини бошқариш учун ишончнома расмийлаштирилиши лозим.

Шартнома шартларини бажариш қандай текширилади?

Кредитни банк ҳам, корхона ҳам ижарачи/ижарага берувчи томонидан автотранспорт воситасидан мақсадли фойдаланилаётганлигини текшириш ҳуқуқига эга.

Бироқ кейинчалик сотиб олиш ҳуқуқи билан автомашинани ижарага олишда, ижарачи ижарага берувчининг биринчи чақириғига биноан автомашинани мониторинг қилиш учун олиб келишга мажбур. Бунда автомашинани олиб келишнинг иложи бўлмаса, ижарага берувчи ижарачига жарима қўллаши ва ҳаттоки тўланган маблағларни қайтармаган ҳолда, шартномани бир томонлама бекор қилиши мумкин.

Бундай ҳолатларда қандай қўшимча харажатлар юзага келиши мумкин?

Иккала ҳолатда ҳам маълум қўшимча харажатлар мавжуд. Мисол учун, банк кредитини олишда суғурта полисини расмийлаштиришингиз керак бўлади. Бўнак тўлови шартномасига биноан эса ижарага олувчи лизинг олиш учун ҳужжатларни йиғиш, тайёрлаш ва расмийлаштириш билан боғлиқ харажатларни қоплаш учун транспорт воситаси умумий қийматининг 10% миқдорида бўнак тўлаши лозим.

Бундан ташқари, автомашинани рўйхатдан ўтказиш учун қўшимча харажатларга маълумотнома, техник паспорт, давлат рақам белгиси, техник кўрик, банк воситачилик тўлови киради, улар алоҳида тўланади.

Шартномаларда қандай молиявий санкциялар назарда тутилади?

Автокредит шартномасига кўра, кредитни тўлаш муддати кечиккан ва муддати ўтган қарз юзага келган тақдирда фоиз ставкаси оширилади (ҳар бир банк ўз фоиз ставкасига эга).

Автомашинани кейинчалик сотиб олиш шарти билан ижарага олиш шартномасига кўра бундай ҳолларда бир нечта санкциялар қўлланилиши кўзда тутилган: ижарага олувчи томонидан ижара ҳақини ўз вақтида ёки тўлиқ тўламаслик учун ҳар бир кечиккан кун ҳисобида санкция, шунингдек автотранспорт воситасини ижарага берувчининг талабига биноан мониторинг қилишга ўз вақтида олиб келмаганлик учун санкциялар.

Шартноманинг яна бир шарти – ижарага олувчи тўловни тўлаш учун ижарага берувчининг олдига келишнинг имкони бўлмаса, тўловни олиш учун юборилган ходимлар хизмат сафари харажатлари ҳам ижарага олувчи ҳисобидан молиялаштирилиши белгиланган. Истеъмолчи белгиланган муддатда тўловни тўламаган, шунингдек автомобилни мониторинга тақдим этмаган тақдирда, навбатдаги «жарима»ни тўлаш тўғрисидаги талабнома берилади. 

Турли хил сабабларга кўра молиявий аҳволи ва тўлов қобилияти ёмонлашган истеъмолчи шартнома шартларини бажара олмаган тақдирда уни нималар кутиши мумкин?

Автокредит бўйича шартнома тузилган тақдирда, банк томонидан гаров сифатида қўйилган мол-мулк (шу жумладан олинган автотранспорт воситаси) сотувга қўйилиб, қарз миқдори қопланади, автомобиль сотилгандан кейин жорий қарз ва автомобиль нархи ўртасидаги фарқ, яъни қолган маблағ истеъмолчига қайтарилади.

Сотиб олиш шарти билан автомашина ижарага олинган тақдирда, транспорт воситаси олиб қўйилади ва истеъмолчига аввал тўлаган пул маблағлари қайтарилмайди.

Турли компаниялар билан (банклар эмас) иш олиб боришда дастлаб ҳеч қандай хавф йўқдек ва аксинча, бунда қулай шартлар тақдим этилгандек туюлиши мумкин. Сиз банкка кредит сўраб мурожаат қилишингиз, унинг берилишини кутишингиз ва юқори фоиз тўлашингиз шарт эмас. Тўловларни 36 ойга (3 йил) тақсимлашнинг ўзи кифоядек. Бироқ, мазкур корхоналар тақдим этаётган шартлар остида сизга кўринмаётган ва пировардида ортиқча маблағ сарфланишига олиб келиши мумкин бўлган бир қатор яширин талаблар мавжудлигини ёдда тутиш лозим. Шу боис истеъмолчи шартнома шартлари, ундаги томонларнинг жавобгарлигини диққат билан ўрганиб чиқиши лозим.

Фирмалардан 12 фоизли автокредит таҳлили

Kia автомобиллари учун автокредит таклифи

Алоқабанк автокредитлар дастурларини йўлга қўйди

Қозоғистоннинг Тенге банк миллий банки янги Tenge Drive марказини ташкил этди. Асосчиларнинг маълумотига кўра бу ерда 60 минут мобайнида Chevrolet, KIA и Skoda моделлари автомобили учун кредит расмийлаштириш мумкин.

Янги Kia Sorento ва Kia Soul автомобиллари хусусияти билан танишинг

Шартлар қуйидагича:

Муддати: 48 ой;
Бошланғич тўлов: 20%дан;
Фоиз ставкаси: йиллик 22,5%.

Акция 31 июньга қадар давом этади.

Тақдим этиладиган ҳужжатлар:

• қарз олувчилар паспорти
• иш жойидан охирги 12 ойлик даромади туғрисида маълумотнома
• автомобиль хариди шартномаси
• таъминот ҳужжатлари.

Таъминот турлари:

• харид қилинадиган автомобиль;
• гаров шатномаси расмийлаштирилишидан аввал, кредит суммасининг таъминот миқдорига талаб қилинган суммада кредит тўланмаслик рискининг суъгурта полиси (асосий қарз ва фоизлар);
• кредитга сотиб олинаётган автомобиль гарови, Ўзбекистон Республикаси қонуни билан белгиланган шартда, ҳамда гаров таъминоти талабларига ва гаров расмийлаштиришдаги ҳужжатларга асосан гаров шартномаси расмийлаштириш орқали.

Тўлиқроқ маълумотни банкнинг расмий сайти, телеграмм канали  ва +998 (71) 203-88-99 рақами орқали билиб олишингиз мумкин.

Автокредитлар билан қуйида танишинг

Aloqabank 22,9 фоиз ставкасидан бошланувчи, 20% ли бошланғич тўлов билан «Тезкор» автокредитлар дастурларини йўлга қўйди.

«Тезкор 1» автокредити шартлари:

• Муддати: 3 йил;
• Фоиз ставкаси: йиллик 24,9%;
• Бошланғич тўлов: 20%.

«Тезкор 2» автокредити шартлари:

• Муддати: 3 йил;
• Фоиз ставкаси: йиллик 23,9%;
• Бошланғич тўлов: 36%.

«Тезкор 3» автокредити шартлари:

• Муддати: 3 йил;
• Фоиз ставкаси: йиллик 22,9%;
• Бошланғич тўлов: 50%.

«Тезкор 4» автокредити шартлари:

• Муддати: 4 йил;
• Фоиз ставкаси: йиллик 25%;
• Бошланғич тўлов: 30%.

Керакли ҳужжатлар:

• қарз олувчининг шахсни тасдиқловчи ҳужжати;
• кредит таъминотига тегишли ҳужжатлар;
• 12 ойлик даромад ҳақидаги ва даромад солиғи ушлаб қолинганлиги тўғрисида маълумот, ИНПС кўрсатилган ҳолда;
• кафил талаб этилганда, ундан ҳам ушбу ҳужжатлар талаб этилади.

Бошқа банклар томонидан таклиф этилаётган автокредитлар билан танишинг

Kia автомобиллари учун автокредит таклифи

2020 йил октябрь ойида Тошкентдаги Kia дилерлик марказида Kia – К5 ва Seltos автомобиллари тақдимоти бўлиб ўтган эди. Ўтган йилнинг декабридан бошлаб ушбу моделлар ADM Jizzakh заводида ишлаб чиқарилмоқда.

Яқинда қуйидаги банклар билан ҳамкорликда Kia автомобиллари учун автокредитлар таклифи йўлга қўйилди:

• «Трастбанк»
• «Равнақ-банк»
• «Давр банк»
• «ASIA ALLIANCE BANK»
• Ташқи иқтисодий фаолият миллий банки ру (Ўзмиллийбанк)
• «Капиталбанк»
• «Асака»
• «Алоқабанк»
• «Ипак Йули»

Автокредит шартлари:

• Фоиз ставкаси: йиллик 19%;
• Бошланғич тўлов: 30%;
• Муддат: 1 йилдан 4 йилгача.

Kia маҳаллий ишлаб чиқарилган автомобиллар қатори янги моделлар билан тўлдирилиши кутилмоқда. Янги автомобиллар ҳақидаги маълумотларни Kia расмий сайти орқали билиб олишингиз мумкин.

Kia автомобиллари нархлари эълон қилинди

Автокредитлар билан қуйида танишинг

«Asia Alliance bank» Ўзбекистон Республикасида ишлаб чиқарилган ва ички диллерлар томонидан реализация қилинадиган автомобиллар хариди учун автокредитлар таклиф этмоқда. Автокредитлар шартлари қуйидагича:

• Фоиз савкаси:
  • 12 ойгача – йиллик 23%;
  • 24 ойгача – йиллик 24,99%;
  • 36 ойгача – йиллик 25,99%;
  • 48 ойгача – йиллик 26,99%;
• Миқдор: сотиб олинган транспорт воситасининг 70% кўп бўлмаган миқдорда;
• Бошланғич тўлов: автомобил умумий нархининг 30%дан кам бўлмаган ҳолда.

Кредит таъминоти сифатида қуйидагилар қубул қилинади:

• Харид қилинаётган автотранспорт воситаси;
• Суғурта ташкилотининг кредит ва фоизлар қайтмаслик ҳавфини суғурта қилиш полиси.

Гаровнинг умумий миқдори кредит миқдорининг камида 125 фоизини ташкил қилиши керак.

Тақдим этиладиган ҳужжатлар:

• кредит тақдим қилиниши тўғрисида ариза;
• қарз олувчилар паспорти;
• иш жойидан охирги 12 ойлик даромади тўғрисида маълумотнома;
• автомобиль хариди шартномаси;
• таъминот ҳужжатлари.

Тўлиқроқ маълумотни банкнинг расмий сайти ёки (+998 71) 231-60-00 телефон рақами орқали олишингиз мумкин.

Автокредитлар билан қуйида танишинг

Ихтиёрий суғуртанинг афзалликлари қандай?