Агробанк омонатларининг барча тарифларини мобил илова орқали ёки банк филиалига шахсни тасдиқловчи ҳужжат билан ташриф буюрган ҳолда очиш мумкин.
Минимал омонат суммаси қанча?
«Даромад» «Эркин» тарифларида минимал омонат миқдори 500 минг сўм бўлса, «Олдиндан фоиз» ва «Имконият» омонатларда – 1 000 000.
Тўсатдан маблағ керак бўлиб қолса, фоизларни йўқотмасдан омонат миқдорини қисман олиш мумкинми?
Ушбу имконият «Эркин» омонати тарифида мавжуд. Бунда агар маблағ 3 ойга қадар ечиб олинса, 16 фоиз ставкаси билан ҳисобланади. Агар омонат тўлиқ 13 ой банкда сақланса биринчи 3 ойлик ҳисобланган фоизлар йиллик 17% дан қайта ҳисоб-китоб қилинади.
Бир нечта омонат очишнинг имкони борми?
Мижож исталгунча омонат очиш имконига эга.
Омонатни масофадан туриб қандай бошқариш мумкин?
Омонатни банк мобил иловаси орқали масофадан туриб очиш, шунингдек бошқариб бориш мумкин.
Тўлиқроқ маълумотни банк расмий сайти ёки қуйидаги рақам 1216 орқали билиб олишингиз мумкин.
Халқ банки жисмоний шахслар учун «Жозибали» тарифидаги омонатларни қуйидаги шартлар асосида таклиф этади:
Муддати: 13 ва 18 ой;
Фоиз:
13 ой муддатга – йиллик 21, 2%;
18 ой муддатга – йиллик 22, 6%;
Минимал миқдор: 500 000 сўм
Қўшимча крим суммаси: қабул қилинади.
Мижозлардан маблағлар нақд пулда ёки пластик карта орқали қабул қилинади. Омонат муддатдан олдин талаб қилиб олганда омонатчига йиллик 16% миқдорида даромад тўланади.
2021 йил январь ойи ҳолатидаги банклардаги омонатлар рўйхати, депозитни масофадан туриб расмийлаштиш имконияти ва бошқа параметрлари билан қуйида танишишингиз мумкин.
Онлайн депозитлар билан банк филиалига бориш, навбат кутиш, бир қатор ҳужжатларга имзо қўйиш кабиларга вақтни сарфлаш ва омонат дафтарининг хавфсизликда эканлиги ҳақида қайғуришга ҳожат йўқ. Бундан ташқари, депозит муддатини узайтириш, фоизларни олиш ёки ҳисобни тўлдириш учун яна банкка ташриф буюриш шарт эмас. Онлайн депозит орқали буларнинг барчасини бир неча дақиқада телефон орқали амалга ошириш мумкин. Ҳозирги кунда 32 банкнинг 21 тасида онлайн депозит очиш имконияти мавжуд.
Онлайн депозитнинг яна бир устунлик томонларидан бири бу юқори фоиз ставкасидир. Aгар оддий депозитларнинг максимал даражаси 18% ни ташкил этса, онлайн тарздаги йиллик ставкалар 20% гача бўлиши мумкин. Ҳозирда 20% ли ставкага Ипак Йўли депозитлари эга. Қолган ҳолатлар стандарт шартномалар олти ойдан икки йилгача бўлган муддатли, йиллик 17% миқдорида амалга оширилади. Депозитга пулни банк томонидан белгиланган энг кам миқдордан келиб чиқган ҳолда жойлаштириш мумкин. Ушбу талаб 100 мингдан 1 миллион сўм орасида ўзгариб туради.
Масофадан рўйхатдан ўтиш истеъмолчига ҳар ойлик даромадининг бир қисмини тўплаб бориш имконини беради. Илгари депозитга маблағ қўйиш маълум муддат пулни йиғишга, тўлдириб бориш хизмати йўқлиги туфайли бир нечта депозит очишга тўғри келарди.
Эндиликда депозитни нафақат тўлдириб бориш, балки истак бўйича маблағни ечиб олиш мумкин. Депозитни онлайн тўлдириб бориш имконияти 16 та банкда мавжуд.
Шунингдек банклар томонидан қўшимча қулайлик яратилмоқда. Масалан, TBC банкида депозитнинг энг кам миқдори бўйича ҳам, депозитни тўлдириш ёки ҳисобварағидан пул олиш учун ҳам чекловлар мавжуд эмас.Бундан ташқари, банкда фоизларни капиталлаштириш ҳам мумкин. Ҳар ойда депозитнинг асосий суммаси фоиз ҳисобидан кўпайиб боради ва кейинги ойда ставка ҳосил бўлган миқдор бўйича белгиланади. Шу билан бирга, маблағларни қайтариб олиш фақат ТБC картасидан фойдаланган ҳолда амалга оширилади.
Кўплаб банклар депозит суммасини ечиб олиш учун банк картасини талаб қилади. Аммо, банкни истеъмолчи учун универсал маҳсулотга айлантириш тенденцияси асосида баъзи банкларда исталган картадан фойдаланиш имконияти яратилмоқда.
Қуйидаги жадвал орқали банклардаги онлайн депозитлар шартлари, манбалари билан танишинг:
