АВТОДУНЁ | bankvabiznes.uz

Ангренда электромобиллар ишлаб чиқариш режалаштирилмоқда

Хитойнинг Hebei Good Hope Logistics Development Co. компанияси Ангренда электромобиллар(пикаплар) ишлаб чиқариш бўйича келишувга эришди. Бу хақда Вазирлар Маҳкамасининг 240.09.2019 йил , 805-сон “Ўзбекистон Республикасининг Хитой Халқ Республикаси билан ҳамкорлик бўйича ҳукуматлараро қўмитанинг бешинчи мажлиси якунларига кўра эришилган келишувларни амалга ошириш чора-тадбирлари тўғрисида”ги қарорида белгилаб қўйилди.

Ўнлаб янги лойихалар амалга оширилади

Шунингдек, қарорда айтилишича,Hebei Good Hope Logistics Development Co. компанияси электромобиллар(пикаплар) ишлаб чиқаришдан ташқари қуйидаги лойихаларни хам амалга оширмоқчи:

Юқори сифатли архитектура ойналари(3-12 мм.)
Велосипедлар ( кейинчалик 50 % махаллийлаштирилади
Электротехника маҳсулотлари
Фотоэлектрик модуллар
Текстил маҳсулотлари
Логистика маркази
Замонавий ва анаънавий дори маҳсулотлари
Даволаш – профилактика маркази

4 342,0 млн АҚШ доллари қийматидаги келишувга эришилди

Маълумот ўрнида, Ўзбекистон-Хитой хукуматлар аро хамкорлик қўмитасининг навбатдаги мажлиси якунлари буйича савдо-иқтисодий, инвестициявий, банк-молия, транспорт-коммуникация ва бошқа сохаларда умумий қиймати 4 342,0 млн АҚШ доллари бўлган битимлар, меморандумлар ва тўғридан-тўғри шартномалар имзоланганди.

Аввалроқ, Президент Шавкат Мирзиёев «Қўқон» эркин иқтисодий зонасидаги «Шаффоф омадли саноат» қўшма корхонаси фаолияти билан танишганлиги хақида хабар берилган эди

Spark автомобиллари Россияда ишлаб чиқарилиши мумкин

Ўзбекистон ва Россия келишуви асосида 2020 йил бошида Россияда Spark автомобилларини ишлаб чиқариш йўлга қўйилиши мумкин. Тошкентда бўлиб ўтаётган “Локализация-2019” кўргазмаси доирасида “Ўзавтосаноат” раиси Шавкат Умурзоқов Spark автомобилларини Россияда ишлаб чиқариш ҳақида келишувга эришилди, деб хабар қилди Sputnik нашри.

«Россия томон фақат А-класс автомобилларини ишлаб чиқаришга рухсат берди. Бу биздаги Spark моделига тўғри келади», – деди Умурзоқов.

Асосий мақсади – автомобил таннархини тушириш ва техник масалаларни малакали ҳал қилиш

Айни дамда, Россия ва Ўзбекистон томонидан махсус ташкил қилинган ишчи гуруҳ ушбу лойиҳа тафсилотларини ишлаб чиқмоқда. Унинг асосий мақсади – автомобил таннархини тушириш ва техник масалаларни малакали ҳал қилишдир. Лойиҳани амалга ошириш 2020 йилнинг биринчи кварталида бошланади, деб қўшимча қилди “Ўзавтосаноат” раҳбари.

Бизнинг мақсадимиз – фақатгина Россия бозорида бўлиш эмас. Биз ушбу соҳага халқаро тажрибага эга бўлган экспертларни таклиф қилиб, автомобилларни харидорлар учун арзонроқ нархларда етказиб беришга ҳаракат қилмоқдамиз, – дейди Умурзоқов.

Аввалроқ, kommersant.ru UzAuto Motors ва Россия хукумати ўртасида автомобиллар ишлаб чиқариш бўйича музокаралар олиб борилаётгани хақида хабар берган эди. UzAuto Motors бошқарувчи директори Александр Сахаповга кўра , музокаралар хозирги кунда «фаол» босқичда, унинг натижалари йил якунигача хабар қилинади.Ишлаб чиқариш “Дервейс” заводида йўлга қўйилиши мумкин, шунингдек, компания собиқ GM заводини сотиб олиш варианти ҳам кўриб чиқилмоқда.

Энг сўнгги янгиликлардан хабардор бўлинг. Bankvabiznes.uz’ни ижтимоий тармоқларда кузатинг.

Қўқонда ишлаб чиқариладиган электробомил синаб қўрилди

Автоблогер Алан Енилеев Қўқон шахрида ишлаб чиқарилиши режалаштирилаётган электробомилларни синаб кўрди. Бу хақда Spot блоггернинг YouTube каналида эълон қилинган видео роликка асосланиб хабар берди.

Аввалроқ, Bank va biznes видео роликда кўрсатилган автомобиллар президент Шавкат Мирзиёевга намойиш қилинганлиги хақида ёзган эди.

Ушбу электробомиллар «Шаффоф омадли саноат» ҚК томонидан 2021 йилдан ишлаб чиқарилиш мўлжалламоқда.

Президент матбуот хизмати хабарига кўра корхона келгуси йилдан юк ташувчи каралар, 2021 йилдан электромобиллар ишлаб чиқаришни мўлжалламоқда.

Лойиха қиймати 30 миллион АҚШ доллари бўлиб, шундан 24 миллион доллари хорижий инвестициядир. Ушбу маблағлар Хитойнинг Silk Road Company компанияси томонидан киритилади.

Электромобиллар нархи 3 минг доллар атрофида бўлади

Давстатқўм: Ўзбекистонда енгил автомобиллар ишлаб чиқариш ҳажми ошди

Давлат статистика қўмитаси 2019 йилнинг январь-август ойларида автомобил саноатидаги ишлаб чиқариш ҳажмини эълон қилди.

Ўтган йилнинг мос даврига солиштирганда, 2019 йилнинг январь – август ойларида ўсиш енгил автомобил ишлаб чиқаришда 49.5%, автомобил двигателлари ишлаб чиқариш 53,5 га ошди.

Ишлаб чиқарилган енгил автомобиллар сони 172 748 минг дона тенг бўлди. Ўтган йилнинг шу даврида 115 542 дона енгил автомобиль ишлаб чиқарилган эди.

Шунингдек, қўмита январь – август ойларида 3 450 та юк автомобиллари, 983 та трактор ишлаб чиқарилгани маълум қилди.

UzAuto «Tracker» ва «Malibu» автомобилларини бўлиб тўлашга таклиф қилмоқда

UzAuto Motors компанияси харидорларга муддатли тўлов шартлари асосида Chevrolet Malibu ва Tracker автомобилларининг эгасига айланишни таклиф қилади.

Ушбу автомобилларнинг 50% тўлаш тўлаб уларнинг эгасига айланиш мумкин. Қолган суммани 2 йил давомида белгиланган чакана нархларда фоизсиз тўлаш имконияти тақдим этиляпти.

Автомбилнинг қолган суммасини муддатидан олдин тўлаш учун ҳам ҳеч қандай чекловлар ҳам йўқ. Муддатли тўловни расмийлаштириш учун автомобилингизни мажбурий суғурта қилишингиз лозим бўлади.

Бундан ташқари автомобилга 100 фоиз тўлов амалга оширган харидор чегирмадан фойдаланган ҳолда мазкур автомобилларни қуйидаги нархларда харид қилиши мумкин:

Tracker MT – 165 млн. сўм

Tracker AT – 190 млн. сўм

Malibu Turbo 1,5 – 250 млн. сўм.

Акция жорий йилнинг 18 дан 30 сентябригача амал килади. Шошилинг, автомобиллар сони чегараланган!

Ўзбекистоннинг биринчи электромобили 150 километр масофани босиб ўта олади

Президент Фарғона вилоятига ташрифи доирасида «Шаффоф омадли саноат» қўшма корхонаси фаолияти билан танишди. У ерда 2021 йилдан электромобиллар ишлаб чиқариш мўлжалланмоқда.

Ҳисоб-китобларга кўра, юртимизда ишлаб чиқариладиган экологик тоза электромобиллар нархи 3 минг доллар атрофида бўлади. Улар нефть маҳсулотлари чекланган шароитда муҳим аҳамият касб этади. Электромобиллар бир марта қувватлантирилгандан сўнг 150 километр масофани босиб ўта олади.

Мазкур лойиҳа ишга тушса, йилига 2 минг дона электромобиль ишлаб чиқарилади. Бу ички бозорни транспортнинг ушбу янги тури билан таъминлаш баробарида экспорт қилиш имконини беради.

Шунингдек, корхонада йилига 230 минг дона метан ва 250 минг дона пропан ускуналари, 300 минг дона бутловчи ва эҳтиёт қисмлар ишлаб чиқарилади. 400 ишчи меҳнат қиладиган корхона маҳсулотлари Қозоғистон, Қирғизистон, Тожикистон, Россия каби давлатларга экспорт қилинади.

Корхонада келаси йилдан юк ташувчи каралар, 2021 йилдан Ўзбекистонда биринчи марта электромобиллар ишлаб чиқариш мўлжалланмоқда. Хитойнинг “Silk road company” компанияси билан ҳамкорликда барпо этиладиган мазкур янги қувват учун ҳозирда 3 гектар майдон ажратилган. Лойиҳанинг умумий қиймати 30 миллион АҚШ доллари бўлиб, унинг 24 миллион доллари хорижий инвестициядир.

Илгари, bankvabiznes.uz Президент 3 минг долларлик электромобил билан танишгани хақида хабар берган эди.

Шавкат Мирзиёев Қўқонда 3 минг АҚШ долларлик электромобил билан танишди

«Шаффоф омадли саноат» қўшма корхонаси

Президент Шавкат Мирзиёев «Қўқон» эркин иқтисодий зонасидаги «Шаффоф омадли саноат» қўшма корхонаси фаолияти билан танишди , деб хабар бермоқда президент матбуот хизмати.

«Шаффоф омадли саноат» қўшма корхонаси Фарғона вилоятини 2019-2020 йилларда ривожлантириш бўйича ҳудудий инвестиция дастури доирасида ташкил этилган.

Бу ерда йилига 230 минг дона метан ва 250 минг дона пропан ускуналари, 300 минг дона бутловчи ва эҳтиёт қисмлар ишлаб чиқарилади.

«Шаффоф омадли саноат» ҚК 2021 йилдан электромобиллар ишлаб чиқаришни мўлжалламоқда

Электромобиллар нархи 3 минг доллар атрофида бўлади

Тошкентга синов учун белорусь электробуси келтирилди.

Дастлаб ушбу автобус энг қисқа йўналиш бўлмиш №41 да синаб кўрилади. Бу хақда АЖ «Тошшахартрансхизмат» матбуот хизматига асосланиб Spot хабар берди.

Фото «Тошшахартрансхизмат» матбуот хизматига тегишли

Тошкент шахар хокимлиги ва Белорусьнинг «Белкоммунмаш» компанияси ўртасидаги келишувга асосан, шахар хокимияти электробусларни синаб кўришга қарор қилди.

Бир йил олдинга келишувга кўра, компания томонидан тақдим этилган элктробус шахар шароитида синаб кўрилади. Агар у синовдан яхши ўтиб, натижалар кутилганидек бўлса, музокоралар кенгайтирлаган тартибда давом этади.

«Белкоммунмаш» бош директори Spot га хабар қилишича, электробус — инновацион экологик транспорт тури бўлиб, 5-7 минут давомида олган қуввати билан 15 км гача бўлган масофани босиб ўтиши мумкин. Электробус видео кузатув, GPS-навигация ва иқлим назорат тизимларига эга.

АЖ «Тошшахартрансхизмат» матбуот хизмати синов электробус Тошкентга етиб келгани ва ташкилий ишлар олиб борилгани, хусусан шахарнинг иккита жойида қувватлаш станциялари ўрнатилгани хақида хабар қилди.