САВОЛ-ЖАВОБ | bankvabiznes.uz

Россияда хориж ишчилари учун патент нархи қанча қилиб белгиланган?

Кўпчилигимизни хориж фуқаролари Россида қанча патент тўлаши кераклиги қизиқтиради. Шунинг учун патентни қандай ҳисоблаш мумкинлиги тўғрисидаги уч босқичли тизим билан яқиндан танишиб олсак.

Энг аввало, патент асосида солиқ кодексида белгиланган қиймат ётади. Беш йилдан буён у 1200 рубльни ташкил қилади.

Иккинчи босқичда асосий қийматга Россия Федерацияси Иқтисодий ривожланиш вазирлиги томонидан бутун мамлакат учун бир хил этиб белгиланадиган дефлятор коэффициенти кўпайтирилиши лозим бўлади.

Дефлятор коэффициентининг вазифаси инфляциянинг асосий қийматга таъсирини зарарсизлантириш бўлиб, у 2020 йил учун – 1.81 ни ташкил этади.

Шундан сўнг, минтақавий ҳокимият органлари томонидан патентнинг якуний нархини ташкил этувчи минтақавий коэффициентлар белгиланади.

Патентнинг сўнгги қийматини ҳисоблаш қуйидаги тарзда кечади (Санкт-Петербург мисолида): дефлятор коэффициенти (1.810) ва асосий қиймат (1 200 рубль) кўпайтмасига (2 172.6 рубль) Санк-Петербург минтақавий ҳокимияти томонидан белгиланган 1,83858 кўпайтирилади. Натижада, Санк-Петербургда хориж ишчилари меҳнат патенти – 3 993 рубльни ташкил этади.

Минтақалардаги панент тўлови миқдорига кўра Россия рангли харитаси

Минтақалар бўйича 2020 йил учун патент нархлари билан қуйидаги жадвалда танишишингиз мумкин:

№	РФ минтақалари	Патент қиймати
01	Адыгея Республикаси	3901
02	Башкортостан Республикаси	4093
03	Бурятия Республикаси	6190
04	Алтай Республикаси	2939
05	Дагестан Республикаси	3475
06	Ингушетия Республикаси	3041
07	Кабардино-Балкарская Республикаси	6516
08	Калмыкия Республикаси	3258
09	Карачаево-Черкесская Республикаси	3475
10	Карелия Республикаси	5678
11	Коми Республикаси	4431
12	Марий Эл Республикаси	4322
13	Мордовия Республикаси	4023
14	Саха (Якутия) Республикаси	9772
15	Северная Осетия (Алания) Республикаси	3215

№	РФ минтақалари	Патент қиймати
16	Татарстан Республикаси	4127
17	Тыва Республикаси	4155
18	Удмуртская Республикаси	4127
19	Хакасия Республикаси	4344
20	Чеченская Республикаси	0
21	Чувашская Республикаси	4344
22	Алтайский край	3823
23	Краснодарский край	4344
24	Красноярский край	4435
25	Приморский край	5647
26	Ставропольский край	4018
27	Хабаровский край	5104
28	Амурская область	5914
29	Архангельская область	3692
30	Астраханская область	3992
31	Белгородская область	4709
32	Брянская область	4127
33	Владимирская область	4387
34	Волгоградская область	3910
35	Вологодская область	4757

№	РФ минтақалари	Патент қиймати
36	Воронежская область	4670
37	Ивановская область	3771
38	Иркутская область	6153
39	Калининградская область	4561
40	Калужская область	4193
41	Камчатский край	6299
42	Кемеровская область	4198
43	Кировская область	4083
44	Костромская область	3375
45	Курганская область	4292
46	Курская область	5115
47	Ленинградская область	3993
48	Липецкая область	4344
49	Магаданская область	0
50	Московская область	5092
51	Мурманская область	4778
52	Нижегородская область	4605
53	Новгородская область	4996
54	Новосибирская область	4301
55	Омская область	3731
56	Оренбургская область	3996
57	Орловская область	3966
58	Пензенская область	3910
59	Пермский край	3700
60	Псковская область	4099

№	РФ минтақалари	Патент қиймати
61	Ростовская область	3910
62	Рязанская область	4692
63	Самарская область	4083
64	Саратовская область	4023
65	Сахалинская область	6277
66	Свердловская область	5391
67	Смоленская область	4038
68	Тамбовская область	4093
69	Тверская область	5576
70	Томская область	4193
71	Тульская область	4711
72	Тюменская область	5725
73	Ульяновская область	3540
74	Челябинская область	4992
75	Забайкальский край	4648
76	Ярославская область	4127
77	Москва	5341
78	Санкт-Петербург	3993
79	Еврейская автономная область	4605
83	Ненецкий автономный округ	5304
86	Ханты-Мансийский автономный округ – Югра	4913
87	Чукотский автономный округ	5430
89	Ямало-Ненецкий АО	9259
91	Крым Республикаси	3462
92	Севастополь шаҳри	4778

Кадастр хизматлари қанча муддатда амалга оширилади?

Кадастр хизматларини кўрасатиш Вазирлар Маҳкамасининг 2020 йил 2 сентябрдаги 535-сонли қарорига кўра тартибга солинади. Қуйида кадаст хизматларининг кўрсатиш муддатлари ва улар учун унидириладиган давлат божлари билан танишишингиз мумкин:

№	Хизмат тури	Зарур ҳужжатлар	Муддати	Тўлов
1	Фуқароларнинг номида шахсий турар жой мавжуд ёки мавжуд эмаслиги тўғрисида маълумот бериш	Сўровнома	3 иш куни	БҲМнинг 3% (аризада кўрсатилган шахсларнинг ҳар бирига нисбатан)
2	Кўчмас мулк оьъектларини ижарага бериш шартномаларини давлат рўйхатидан ўтказиш (Турар)	Сўровнома;Ижара шартномасининг асл нусхаси	1 иш куни	БҲМнинг 1,25 баравари
3	Ўзганинг ер участкасидан чекланган тарзда фойдаланиш ҳуқуқи (сервитут) тўғрисидаги келишувни давлат рўйхатидан ўтказиш	Сўровнома;Ўзганинг ер участкасидан чекланган тарзда фойдаланиш ғуқуқи (сервитут) тўғрисидаги келишув асл нусхаси	1 иш куни	БҲМнинг 1,25 баравари
4	Кўчмас мулк объектига кадастр паспортини бериш	Сўровнома;Кўчмас мулкка бўлган ҳуқуқларни тасдиқловчи ҳужжат	а) кўчмас мулк объектларининг турар жойга оид қисми бўйича: кўп квартирали уйдаги квартира – 3 иш кунигача; якка тартибдаги турар жой – 5 иш кунигача. б) кўчмас мулк объектларининг нотурар жойга оид қисми бўйича: умумий майдони 100 км.м гача – 5 иш кунигача; умумий майдони 100 кв.м дан 1 000 кв.м гача – 7 иш кунигача; умумий майдони 1 000 кв.м дан 5 000 кв.м гача – 10 иш кунигача; умумий майдони 5 000 кв.м дан 15 000 кв.м гача – 15 иш кунигача; умумий майдони 15 000 кв.м дан 50 000 кв.м гача – 20 иш кунигача; умумий майдони 50 000 кв.м дан ортиқ – 25 иш кунигача; ажратилган ер участкалари бўйича – 3 иш кунигча	Вазирлар Маҳкамасининг 2014 йил 10 июльдаги 186-сон қарорида белгиланган кўчмас мулк тоифаси ва майдонига қараб тўлов ундирилади.
5	Кўчмас мулк объектларини ижарага бериш шартномаларини давлат рўйхатидан ўтказиш (нотурар)	СўровномаИжара шартномасининг асл нусхаси	1 иш куни	БҲМнинг 1,25 баравари
6	Қурилиши тугалланган объектни фойдаланишга қабул қилиш	Сўровнома	11 иш куни	БҲМнинг 30 %
7	Турар жой майдони бўйича маълумотнома	Сўровнома	5 иш куни	Бепул
8	Кўчмас мулкка бўлган ҳуқуқларни давлат рўйхатидан ўтказиш	СўровномаКўчмас мулкка бўлган ҳуқуқларни тасдиқловчи ҳужжат	2 иш куни	БҲМнинг 2 баравари
9	Кўчмас мулкка бўлган ҳуқуқларни давлат рўйхатидан ўтказиш	СўровномаҚуйидаги ҳужжатлардан бири тақдим қилинади: -қурилиши (реконструкцияси) тугалланган бинолар ва иншоотларни фойдаланишга қабул қилиш далолатномаси; -нотариал тартибда тасдиқланган бино, иншоотнинг олди-сотди шартномаси; -корхонанинг топшириш-қабул қилиш далолатномаси билан бирга олди-сотди шартномаси; -лизинг шартномаси; -бино, иншоот, турар жойни ҳадя этиш тўғрисидаги нотариал тартибда тасдиқланган шартнома; -бино, иншоот, турар жойни айирбошлаш тўғрисидаги нотариал тартибда тасдиқланган шартнома; -турар жойни бошқа шахсга рента тўлови шарти билан ўтказилиши назарда тутиладиган нотариал тартибда тасдиқланган рента шартномаси; -хусусийлаштирилган давлат биноси, иншооти, турар жойни тасарруф этиш ҳуқуқи билан мулк ҳуқуқини берувчи давлат ордери; -нотариал тартибда тасдиқланган мерос қилиб олиш ҳуқуқи ва эр-хотинларнинг умумий мулки бўлган бино, иншоотнинг тегишли қисмига бўлган мулк ҳуқуқи тўғрисидаги гувоҳнома; -кўчмас мулк объектини юридик шахсларнинг устав жамғармасига улуш сифатида бериш шартномаси; -кўчмас мулк обеъктини муассисга унинг улушини қайтариб бериш сифатида шартномаси; -суд ҳужжатлари ва бошқа орган ҳужжатларини ижро этишда кўчмас мулк объектини реализация қилиш бўйича аукцион натижалари ҳақида баённома; -туман (шаҳар) ҳокимининг тураржойни нотураржой тоифасига ўтказишга рухсати; -туман (шаҳар) қурилиш бўлимининг нотурар жой биносини турар жой тоифасига ўтказишга рухсати; -суд қарори ёки давлат ижрочисининг қарори ёхуд давлат ижрочиси томонидан тасдиқланган ундирувчи ва қарздор ўртасида тузилган бино ва иншоотни бериш далолатномаси; -Хорижий юридик ёки жисмоний шахснинг мулки бўлган бинолар ва иншоотлар сотилган тақдирда бинолар ва иншоотларга бўлган ҳуқуқни давлат рўйхатидан ўтказиш бинолар ва иншоотларни сотишдан олинган даромадлар бўйича юридик шахслардан олинадиган фойда солиғи ёки жисмоний шахслардан олинадиган даромад солиғи тўланганлиги тўғрисидаги маълумотнома.	2 иш куни	БҲМнинг 2 баравари

Олдинроқ кадастр ҳужжатларини тайёрлаш муддати қисқартирилгани ҳақида маълумот берган эдик.

Юридик ва жисмоний шахслар томонидан валюта айирбошлашга рухсат бериладими?

Юридик ва жисмоний шахсларга валютани қонуний айрбошлашга рухсат бериш масаласи жамоавий мурожаатлар портали томонидан олиб чиқилди. Шикоятчилар бу қуйидаги ноқулайликларни ечишга ёрдам беришини санаб ўтишди:

Банкларнинг дам олиш кунлари ҳизмат кўрсатмаслиги;
Банклар иш графигининг ноқулайлиги;
Карантин қоидалари бузилган ҳолда навбатнинг ҳаддан ортиқ кўплиги;
Барча ҳудудларда ҳам банк филиаллари йўқлиги;

Мурожаат этувчилар «иш вақти якунида, яъни тушки соат 4 дан сўнг банкка киришнинг имкони йўқлиги» кабиларни алоҳида такидлашди.

Шу муносабати билан бу савол «Менинг фикрим» порталида кўриб чиқилмоқда. Таклиф 10 000 (ўн минг) та овоз тўпланган ҳолатда муаммо сенат томонидан ўрганилиб чиқилади.

Сиз ҳам порталда ўз фикрингизни билдиринг!

Банклардаги валюта курлари билан бу ерда танишинг

Грин карта анкетасини тўғри тўлдириш сирлари

Грин Карта дастурига иштирок этмоқчи бўлганлар учун 2022-йилнинг 6-октябрдан dvprogram.state.gov сайти орқали мустақил ариза тўлдириш имкониятлари яратилди. Ариза тўлдираётганда айнан нималарга эътибор бериш кераклиги ҳақида яқиндан танишиб олсак.

Биринчидан, анкета тўлдиришга фақатгина 30 дақиқа ажратилганлиги сабабли, қуйидагиларни аниқлаштириб олинг.

Электрон сурат нусхаси;
Почта индексингиз;
Электрон почтангизнинг мавжудлиги;

Мавзуга оид: хорижий сафар учун паспорт олиш тартиби қандай?

Анкета саволларини тўлдиришда ас қотадиган маслаҳатлар:

1. Last/Family Name – фамилия; First Name – исм. Middle Name – иккинчи исм, бу ўзбекистонликларга тааллуқли эмас, шу сабаб No Middle Name дея белгилаш лозим.

2. Жинсингизни кўрсатинг: Male – эркак; Female – аёл.

3. Туғилган сана (рақамларда киритилади): Month – ой, Day – кун, Year– йил. Эътибор беринг, биринчи бўлиб ой ёзилади.

4. Сиз туғилган шаҳар. Шаҳар ёки аҳоли пунктининг номи лотин алифбосида, «тумани», «шаҳри» каби сўзлар киритилиши лозим.

Агар туғилган шаҳрингиз номаълум бўлса, Birth City Unknown (Туғилган шаҳри маълум эмас) катакчасини белгиланг.

5. Сиз туғилган мамлакат. Рўйхатдан Ўзбекистонни танлаймиз (Uzbekistan).

6. Олтинчи банд туғилган давлати лотереяда қатнашадиган давлатлар рўйхатида бўлмаган шахслар учун. Ўзбекистон фуқароларига катак автоматик тарзда белгиланади.

7. Паспорт маълумотлари. 1-банддаги каби исм ва фамилиянгизни киритиб, No Middle Name катагини белгилайсиз.

Passport Number – хорижга чиқиш биометрик паспортингиз серия ва рақами;
Passport Expiration Date – паспортнинг амал қилиш муддати (ой, кун, йил тартибида);
Country/Authority of Issiance – паспорт Ўзбекистон томонидан берилган.

Фуқаролиги бўлмаган шахслар 7-банднинг «B» қисми катакчасини белгилаб, биринчи вариантни (Stateless – фуқаролиги йўқ) танлашлари керак бўлади.

8. Фотосурат. Ўзингизнинг охирги 6 ой ичида тушган суратингизни жойланг. (фото JPEG форматда, максимал 240 КБ ҳажмда, ўлчами 600×600дан 1200×1200гача пиксел оралиғида, 24 бит ранг чуқурлигида бўлиши лозим);

Сурат талаблари ҳақида қуйидаги манба орқали билиб олишингиз мумкин.

9. Почта манзили.

In Care Of – бу ерга почта манзилидаги шахснинг исми ва фамилияси ёзилади. Унга ўзингизнинг исм-фамилиянгизни ёзсангиз ҳам бўлади.
Address Line 1 – ушбу бандда кўча номи, уй ва хонадон рақами кўрсатилади. Жой ёки кўча номи биринчи қаторга сиғмаган тақдирда уни Address Line 2 ёзишингиз мумкин.
City/Town – яшаш жойининг номи.
District/Country/Province/State – туман / ўлка / вилоят / округ (штат) номи.
Postal Code/Zip Code– почта индекси. Агар сиз яшайдиган жойнинг почта индекси бўлмаса, No Postal Code/Zip Code катакчасини белгилаб қўясиз.

Почта индексингизни қуйидаги файл орқали билиб олишингиз мумкин.

10. Country Where You Live Today – Сиз ҳозир яшаётган мамлакат.

11. Phone Numer –телефон рақамингизни халқаро форматда (+998901234567) киритиш лозим.

12. E-mail. Биринчи қаторга электрон почта манзилингизни, иккинчи қаторга шу манзилни қайтадан кўчириб ёзинг.

13. Бугунги кун ҳолатига сиз эгаллаган таълимнинг энг юқори даражаси қайси? Кўрсатилган вариантлардан бирини танлаш лозим.

• Primary school only – фақат бошланғич мактаб
• High School, no degree – ўрта мактаб, лекин шаҳодатномаси йўқ
• High School, degree – ўрта мактаб, шаҳодатномага эга
• Vocational School – касб-ҳунар коллежи
• Some University Courses – тўлиқсиз олий (бакалавриат талабалари шу бандни танлашади)
• University Degree – олий маълумот (бакалавр даражасига эга фуқаролар учун)
• Some Graduate Level Courses – бир қанча магистратура даражасидаги курслар (магистратура талабалари шу бандни танлашади)
• Master’s Degree – магистр даражаси
• Some Doctorate Level Courses – Тугалланмаган аспирантура/докторантура (аспирантура ва докторантура тадқиқотчилари шу бандни танлашади)
• Doctorate Degree – докторант даражаси

14. Оилавий ҳолатингиз. Кўрсатилган вариантлардан бирини танлаш лозим.

Unmarried – Ҳеч қачон турмуш қурмаганман.
Married and my spouse is NOT a U.S. citizen or U.S. Lawful Permanent Resident (LPR) – Оила қурганман, турмуш ўртоғим АҚШ фуқароси эмас ёки АҚШда яшаш ҳуқуқига эга эмас.
Married and my spouse IS a U.S. citizen or U.S. Lawful Permanent Resident (LPR) – Оила қурганман, турмуш ўртоғим АҚШ фуқароси ёки АҚШда яшаш ҳуқуқига эга.
Divorced – Ажрашганман.
Widowed – Турмуш ўртоғим вафот этган.
Legally Separated – МДҲ давлатларида Legally Separated ҳолатининг юридик асоси йўқ, шу боис бу бандни белгилаш суҳбат жараёнида аризани рад этишга сабаб бўлиши мумкин.

15. Number of Children – фарзандлар сони. Бу ерга 21 ёшга тўлмаган барча фарзандларингиз сонини кўрсатасиз. Ушбу бандга фарзандларингиз сонини рақам билан ёзилиб, бўлмаган тақдирда ноль рақами киритилади.

Эслатиб ўтамиз, агар бандларда турмуш ўртоғингиз ва фарзандларингиз кўрсатилган бўлса, аризанинг иккинчи қисми очилади. Иккинчи қисмда уларнинг маълумотларини юқоридагидек тўлдирилиб борилиши шарт

Барча жараёнлар тугаганидан сўнг, Continue тугмаси босилади. Шунда сизга аризангизни яна бир кўздан кечириш учун имкон яратилади. Барчаси жойида эканига ишонч ҳосил қилганингиздан сўнг, яшил рангли Submit тугмасини босишингиз мумкин.

Кейинги саҳифада натижа текшириш коди жой олганлиги сабабли уни дарҳол расмга олиш ёки чоп этишингизни маслаҳат берамиз.

Лотерея натижалари тахминан 2023 йил 8 май куни dvprogram.state.gov сайтида эълон қилинади.

Ўзбекистондан неча киши грин-картани қўлга киритиши мумкин?

Ҳамма грин-карта ғолиблари ҳам виза ололмаслиги ростми?

Коллеж ва техникум контракт нархлари билан танишинг

Ҳаммага маълумки, 2020-2021 йилдан бошлаб тўлов-контракт асосида коллеж ва техникумларда кадрлар тайёрлаш таълим тизими йўлга қўйилди. Контракт миқдорини ҳисоблаш жараёни қуйидагича кечади:

	Тайёрлов йўналишлари номи	Меҳнатга ҳақ тўлашнинг энг кам миқдори баробарида	Умумий миқдор
1	Соғлиқни сақлаш, педагогика, бизнес ва бошқарув, санъат, ижтимоий таъминот, хизмат кўрсатиш, журналистика ва ижтимоий ахборот йўналишлари	6,2	4 211 846 сўм
2	Табиий фанлар, транспорт, муҳандислик иши, алоқа ва ахборотлаштириш, телекоммуникация технологиялари, компьютер технологиялари ва информатика, гуманитар фанлар (телевидения) йўналишлари	6,0	4 075 980 сўм
3	Қишлоқ хўжалиги, ирригацияси ва мелиорацияси, қишлоқ, ўрмон ва балиқ хўжалиги, ишлаб чиқариш ва қайта ишлаш тармоқлари, архитектура ва қурилиш, ҳаётий фаолият хавфсизлиги, қишлоқ хўжалиги техникаси, ветеринария, атроф-муҳит муҳофазаси йўналишлари	5,8	3 940 114 сўм

2020-2021 йил ОТМларда супер контракт нархларини ҳисоблаш тўғрсида қуйидаги манбадан билиб олишингиз мумкин

Магистратура кириш имтиҳонлари натижалари қачон чиқади?

Республика ОТМлари магистратурасига кириш имтиҳонларини топширган абитуриентлар 2020/2021 ўқув йили магистратура мутахассисликларига кириш имтиҳонлари натижалари тегишли олий таълим муассасаларининг расмий веб-сайтларидан билиб олишлари мумкин бўлади.

Натижалар 7 октябрь куни соат 17:00 дан бошлаб ОТМ расмий сайтида эълон қилиниши кутиляпти.

Талабаликка тавсия этилган абитуриентлардан тегишли ОТМга мурожаат қилишлари сўралади.

2020 йил супер-контрактини аниқлаш тизими

2020 йилда ОТМлар мустақил нарх белгилаш тизимига ўтганлиги сабабли супер-контрактнинг энг аниқ суммаси фақат олий таълим муассаси маъмурияти томонидан белгиланиши мумкин. Шунга қарамай, давлат томонидан минимум миқдорлар тасдиқланган бўлиб, улар қуйидагилардан иборат.

Энг аввало супер-контракт суммасини аниқлаш учун, сиз қайси тоифага таалуқли эканлигингизни текширишингиз лозим

1-тоифа: кириш чизиғига 4 баллгача етмай қолган абитуриентлар:
- 1 баллгача етмаса – 1,5 баробар;
- 1.1 баллдан 2 баллгача етмаса – 2 баробар;
- 2.1 баллдан 3 баллгача етмаса – 2,5 баробар;
- 3.1 баллдан 4 баллгача етмаса – 3 баробар.

2-тоифа: кириш чизиғига 4 баллдан ортиқ етмай қолган ва ўзи 56,7 дан кўп балл тўплаганлар:
- Бундай абитуриентлар супер-контракт учун йўналишига қараб жадвалда кўрсатилган оддий контрактнинг минимум 10, 15, 20, 25 баробарини тўлайди.
3-тоифа: 56,7 баллдан кам тўплаганлар
- Бундай абитуриентлар камида 2-тоифадагилар тўлайдиган сумманинг 2 баробарини тўлашади.

Супер-контракт тизими кундузги, сиртқи ва кечки таълим кўринишларида мавжуд. Кундузги таълим шаклидаги супер-контракт стипендиясиз тўлов-контракт миқдоридан ҳисобланади. Кечки ва сиртқи таълим шаклида стипендиялар мавжуд эмас.

Келтирилган жадвалда давлат томонидан белгиланган минимумлар миқдори билан танишиб чиқишингиз мумкин.

Эслатма: имтиёз олган, лекин кира олмаган абитуриентлар учун умумий кириш балига қараб супер-контракт нархи белгиланади, имтиёзга эга бўлган абитуриетларлар ўтиш балига қараб эмас.

Хорижий сафар учун паспорт олиш тартиби қандай?

2019 йилнинг 1 январидан бошлаб Ўзбекистон ҳукумати томонидан хорижга чиқиш учун рухсатнома (стикер) берилишили тўхтатилиб, чет эл сафарлари учун биометрик паспортлар тақдим этилмоқда. Биометрик паспортлар 10 йил муддатга хизмат қилади.

Ҳужжатни олиш учун фуқаро доимий рўйхатдан ўтган жойлардаги ички ишлар органларининг “Миграция ва фуқароликни расмийлаштириш бўлинмаларига” (паспорт стол), хорижда эса Ўзбекистоннинг консуллик муассасаларига мурожаат этиши лозим.

Давлат божи Ўзбекистон фуқаролари учун базавий ҳисоблаш миқдорининг 1,2 баравари (267 600 сўм), фуқаролиги бўлмаган шахслар учун 1 баравари (223 минг сўм) этиб белгиланган.

Биометрик паспорт олиш учун тақдим этиладиган ҳужжатлар рўйҳати:

ариза-анкета;
биометрик паспорт ёки ID-карта ёхуд 16 ёшга тўлмаган фуқаролар учун туғилганлик тўғрисидаги гувоҳнома;
давлат божи тўланганлиги тўғрисидаги квитанция;
ҳарбий гувоҳноманинг ёки чақирув участкасида қайд этилганлиги ҳақидаги гувоҳноманинг нусхаси ёхуд мудофаа ишлари бўйича бўлимининг маълумотномаси – ҳарбий хизматга мажбурлар учун;
илгари берилган хорижга чиқиш биометрик паспорти (мавжуд бўлган тақдирда);
ваколатли органнинг қарори (хорижга чиқиш биометрик паспорти ашёвий далил сифатида олиб қўйилганида);
ота-оналар, васийлар (ҳомийлар)нинг фуқаронинг хорижга чиқишига нотариал тасдиқланган розилиги – вояга етмаганлар учун;
фуқарога ҳамроҳлик қилувчи шахснинг нотариал тасдиқланган мажбурияти – вояга етмаганлар учун.

Ариза фуқаро томонидан барча ҳужжатлар тўплами топширилгандан сўнг 10 иш куни ичида кўриб чиқилади.

6 октябрдан Green Card аризаларни қабул қилишни бошлайди

2021 йилнинг 6-октябридан Diversity Visa дастури (халқ тилида – «грин карта») Америка Қўшма Штатлар визаларини тақдим қилиш мақсадида янги аризаларни қабул қилишни бошлайди.

Аризалар 9 ноябрга қадар, dvlottery.state.gov портали орқали қабул қилиниб, натижаларни 2Ц022 йилнинг 8 май куни сайт эълонлари орқали билиб олишингиз мумкин. 2023 йилда DV дастури асосида 55 мингта иммиграциявий виза ғолибларига учун Америка Қўшма Штатлари эшиклари очилади.

Эслатмалар:

Ариза тўлдиришда ва хориж саёҳатида биометрик паспорт маълумотларидан фойдалиналади.
Барча номзодлар энг камида ўрта таълим димломига, ёхуд сўнгги 5 йил давомида 2 йиллик иш тажрибаси эга бўлишлари зарур.
Ариза инглиз тилида беҳато тўлдирилиши ва илова қилинаётган сурат талабларга жавоб бериши лозим.

Ариза тўлдирилгандан сўнг, тасдиқлов рақами (расмий номи – Аризачи Мақомини Текшириш Функцияси – Entrant Status Check)га оид маълумотни чоп этиб ёки сақлаб олишингиз зарур.

Биттадан ортиқ ариза топширган мурожаатчилар дастурдан четлатилади. Шунингдек, охирги 5 йилда 50 мингдан кўп фуқароси АҚШга иммиграция қилган давлатлар Хитой, Канада, Буюк Британия, Жанубий Корея, Ҳиндистон, Покистон, Бразилия ва бошқа мамлакат фуқаролари дастурда қатнаша олмайди.

Мавзуга оид: хожирга чиқиш паспортини олиш тартиби кандай?

Грин Карта DV-2022 натижаларини қандай текшириш мумкин?

Green Card анкетасини тўғри тўлдириш сирлари

Ижтимоий нафақа ва моддий ёрдам учун талаб қилинадиган ҳужжатлар сони қисқартирилди

2019 – 2020 йилда фуқароларга ажратиладиган ижтимоий нафақалар ва моддий ёрдам тайинлаш тартибига бир қатор ўзгартиришлар киритилди. Янги тартибга кўра «Фуқароларнинг ўзини ўзи бошқариш органлари» мажбуриятлардан озод этилиб, фуқароларга моддий ёрдам ва хизматлар тақдим этиш маъсулияти «Ягона реестр» АТ зиммасига юклатилди. Шунингдек, «Ягона реестр» АТ томонидан талаб этиладиган ҳужжатлар сони сезиларли даражада қисқартирилиб, аризаларни кўриб чиқиш тартибига ўзгартиришлар киритилди.

2021 йил 1 январдан бошлаб «Ягона ижтимоий реестри» томонидан сўралиши ман этиладиган ҳужжатлар:

Доимий яшаш учун рўйхатдан ўтганлик тўғрисида маълумотнома.
Оила таркиби тўғрисидаги маълумотнома, болалар сони ва уларнинг ёши тўғрисидаги маълумотнома, туғилганлик тўғрисидаги гувоҳнома, вафот этганлик тўғрисидаги гувоҳнома, турмуш қурганлик тўғрисидаги гувоҳнома, ажрашганлик тўғрисидаги гувоҳнома.
Автотранспорт воситаси мавжудлиги ва унинг техник ҳолати тўғрисидаги маълумотнома.
Оила аъзоларнинг расмий даромадлари тўғрисидаги маълумотномалар.
Кўчмас мулкнинг мавжудлиги, кўчмас мулк ҳажми, фойдаланувда бўлган ернинг бонитети тўғрисидаги маълумотномалар.
Иш изловчи, ишсиз, жамоат ишлари билан бандлик мақоми берилганлиги тўғрисидаги маълумотномалар.

Пенсия ва нафақа кўринишидаги даромадлари, 1 ва 2 гуруҳ ногиронлиги бўлган шахслар эканлиги тўғрисидаги маълумотнома.
Меҳнат фаолияти билан вақтинча шуғулланиш имкониятини бермайдиган касалликнинг мавжудлиги, ногиронлик гуруҳининг мавжудлиги, доимий парваришга муҳтож оила аъзосининг мавжудлиги тўғрисидаги маълумотномалар.
Банк пластик картасининг мавжудлиги, тўловлар ва ведомостларни юбориш, тўланган маблағлар тўғрисидаги ҳисоботлар, оила аъзоларига келиб тушган пул ўтказмалари, банк пластик картаси қолдиқлари тўғрисидаги маълумотномалар.
Оила аъзоларининг қимматли қоғозлар билан амалга оширган операциялари, дивидендлар олинганлиги тўғрисидаги маълумотномалар.
Талабалар сафида мавжудлиги, стипендия миқдори, ўқиш шакли (кундузги, сиртқи), ўқиш тури (давлат гранти, тўлов контракт) тўғрисидаги маълумотномалар